Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 41.15 | Dem. 41.18 (English) | >>Dem. 41.21 |
41.17πρὸς ἐκεῖνο δὲ τί ἂν λέγοις ; ἀκριβῶς γὰρ ὅπως τούτους διδάξεις · εἰ δὲ μή , πάντες ὑμεῖς ἀπαιτεῖτʼ αὐτόν . ὅτε γὰρ Πολύευκτος διετίθετο ταῦτα , παρῆν μὲν ἡ τούτου γυνή , καὶ δῆλον ὅτι τὰς τοῦ πατρὸς διαθήκας ἀνήγγειλεν , ἄλλως τʼ εἰ καὶ μηδὲν ἴσον εἶχεν ἀλλʼ ἐν ἅπασιν ἠλαττοῦτο , παρεκλήθη δʼ αὐτὸς οὗτος , ὥστε μηδὲ τοῦτʼ εἶναι λέγειν , ὡς λάθρᾳ καὶ διακρυψάμενοι τούτους ἐπράττομεν ταῦτα · παρακαλούμενος γὰρ ἔφησεν αὐτὸς μὲν ἀσχολίαν ἄγειν , τὴν δὲ γυναῖκʼ ἐξαρκεῖν τὴν αὑτοῦ παροῦσαν .
41.18τί ἔτι λοιπόν ; ἀπαγγείλαντος Ἀριστογένους αὐτῷ περὶ ἁπάντων τούτων ἀκριβῶς , οὐδʼ ἐνταῦθʼ οὐδένα φαίνεται λόγον ποιησάμενος , ἀλλʼ ἐπιβιόντος μετὰ ταῦτα τοῦ Πολυεύκτου πλέον ἢ πένθʼ ἡμέρας , οὔτʼ ἠγανάκτησεν εἰσελθὼν οὔτʼ ἀντεῖπεν οὐδέν , οὐδʼ ἡ γυνή , παροῦσʼ ἐξ ἀρχῆς ἅπασιν τούτοις . ὥστʼ οὐκέτι Πολύευκτος αὐτὰ πεισθεὶς ἐμοὶ κατεχαρίζετο , ὡς ἔοικεν , ἀλλʼ ὑμεῖς αὐτοί . ταῦτα τοίνυν , ὦ ἄνδρες δικασταί , μεμνημένοι σαφῶς , ἐὰν ἄρα τι περὶ αὐτῶν ἐγχειρῇ νυνὶ διαβάλλειν , ἀντίθετε . πρῶτον δʼ ἵνʼ εἰδῆτʼ ἀκριβῶς ὅτι τοῦτον τὸν τρόπον ἔχει , τῶν μαρτύρων ἀκούσατε . λέγε .οὐκοῦν , ὦ ἄνδρες δικασταί , τῶν μὲν χιλίων δραχμῶν ὡς δικαίως καὶ προσοφειλομένων ἀπετίμησέ μοι τὴν οἰκίαν ὁ Πολύευκτος , αὐτὸς οὗτός μοι μαρτυρεῖ καὶ ἡ τούτου γυνὴ πρὸς τοῖς ἄλλοις τούτοις τοῖς μεμαρτυρηκόσι , συγχωροῦντες τότε καὶ οὔτε πρὸς τὸν Πολύευκτον ἀντειπόντες ἐπιβιόντα τοσαύτας ἡμέρας , οὔτε πρὸς τὸν Ἀριστογένη , ἐπεὶ τάχιστʼ ἤκουσαν . ἀλλὰ μὴν εἴ γε δικαίως ἀπετιμήθη , μεμνημένοις τοῦ νόμου κατὰ μὲν τοῦθʼ ὑμῖν οὐκ ἔστιν ἀποψηφίσασθαι Σπουδίου .
Μάρτυρες
41.19
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 41.15 | Dem. 41.18 (English) | >>Dem. 41.21 |